នៅចាំវីដេអូ ព្រាប សុវត្ថិ Surprise ហ្វេននៅកន្លែងចាក់សាំងអត់? ឈ្នះពាន ២ឆ្នាំជាប់ៗគ្នា

2018-07-03 20:45:11
ព័ត៌មាន

2018-07-03 20:45:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពញ្ញាក់អារម្មណ៍អតិថិជនពីលោក ព្រាប សុវត្ថិ ដោយចុះផ្ទាល់ទៅកន្លែងចាក់សាំងរបស់ក្រុមហ៊ុន Chevron Cambodia សម្រាប់ម៉ាកសញ្ញា Caltex បានឈ្នះពាន Gold GLOBE សម្រាប់ប្រព័ន្ធផ្សព្វផ្សាយសង្គមល្អបំផុត ឬយុទ្ធនាការនិយាយពីមាត់មួយទៅមាត់មួយ "Best Social Media or Word of Mouth Campaign” ដែលបានទទួលស្គាល់ដោយសមាគមទីភ្នាក់ងារទីផ្សារជាសកល (MAA)។

វីដេអូដែលបានឈ្នះពានម្ដងកាលពីឆ្នាំ ២០១៧ ក្នុងកម្មវិធីពានរង្វាន់ផ្សព្វផ្សាយទីផ្សារប្រចាំអាស៊ី (Dragon Asia) នេះ មានអ្នកមើលជាង ១ លាននាក់ និងអ្នក Share ច្រើនជាង ៨០ ០០០នាក់ ក្នុងរយៈពេល ២៤ម៉ោងដំបូង ខណៈដែលអ្នកប្រើប្រាស់ហ្វេសប៊ុកមានចំនួនតែ ៣,៥ លាននាក់ប៉ុណ្ណោះ។

ដើម្បីបង្កើតវីដេអូដោយតារាចម្រៀងល្បីប្រចាំកម្ពុជា ចុះចាក់សាំងឲ្យប្រជាជនខ្មែរផ្ទាល់ ក្រុមហ៊ុន Havas Riverorchid Cambodia ក៏ជាផ្នែកមួយក្នុងការចូលរួមបង្កើតយុទ្ធនាការនេះដែរ។

លោក Anthony Keck អគ្គនាយកប្រតិបត្តិគ្រុប (Group Chief Operating Officer) Havas Riverorchid បាននិយាយថា លោករីករាយណាស់ ដែលឃើញកម្ពុជាប្រកួតប្រជែងទទួលបានជោគជ័យក្នុងចំណោមប្រទេសអាមេរិក អង់គ្លេស ឥណ្ឌា និងជប៉ុន ព្រមទាំងបណ្ដាប្រទេសផ្សេងៗទៀត។

៦ សប្ដាហ៍ ក្រោយពីវីដេអូខាងលើបានផ្សព្វផ្សាយ មានអ្នកទស្សនាដល់ ២ លានដង ហើយខាងក្រុមហ៊ុន Chevron Cambodia ផ្ទាល់ ក៏ទទួលស្គាល់ថា បរិមាណលក់ប្រេងឥន្ធនៈកើនឡើងផងដែរ៕