ពាក្យចចាមអារាមកាន់តែផ្ទុះខ្លាំង! សារព័ត៌មានចិនអះអាងថា មេដឹកនាំកូរ៉េខាងជើងស្លាប់ហើយ

2020-04-25 18:19:37
ព័ត៌មាន

2020-04-25 18:19:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាក្យចចាមអារាមជុំវិញសុខភាពរបស់លោកគីមជុងអ៊ុន កាន់តែមានសម្ទុះខ្លាំងឡើងនៅថ្ងៃនេះ ក្រោយពេលដែលប្រព័ន្ធផ្សព្វផ្សាយនៅអាស៊ីជាច្រើន អះអាងថាលោកបានទទួលមរណភាពហើយ។

យោងតាមនាយករងនៃទូរទស្សន៍ផ្កាយរណបហុងកុង (HKSTV) អ្នកស្រី Shinjian Xingzou ឲ្យដឹងថា ប្រភពច្បាស់ការណ៍មួយបានប្រាប់អ្នកស្រីថាមេដឹកនាំកូរ៉េខាងជើងអាយុ ៣៦ ឆ្នាំបានស្លាប់បាត់ទៅហើយ។ ស្ត្រីខាងលើ មានអ្នក Follower ជាង១៥លាននាក់លើបណ្ដាញសង្គម Weibo ចិន ហើយក៏ជាក្មួយស្រីម្នាក់របស់រដ្ឋមន្ត្រីក្រសួងការបរទេសផងដែរ។ ការអះអាងនេះ ត្រូវបានធ្វើឡើងក្រោយពេលដែល ភ្នាក់ងារស៊ើបការណ៍អាមេរិកបង្ហើបថាមេដឹកនាំកូរ៉េខាងជើងលោកគីមជុងអ៊ុនកំពុងស្ថិតក្នុងគ្រោះថ្នាក់យ៉ាងធ្ងន់ធ្ងរបន្ទាប់ពីវះកាត់បេះដូង។

ថ្មីៗនេះ លោកគីម ជុងអ៊ុនបានខកខានពិធីអបអរសាទរខួបកំណើតជីតារបស់ខ្លួននៅថ្ងៃទី ១៥ ខែមេសា ដែលបានធ្វើឱ្យមានការសង្ស័យអំពីស្ថានភាពសុខភាពរបស់មេដឹកនាំក្រុងព្យុងយ៉ាងរូបនេះ។ របាយការណ៍មួយចេញកាលពីថ្ងៃអង្គារ បានឲ្យដឹងថាលោក គីម ជុងអ៊ុន បានធ្វើការវះកាត់សរសៃឈាមបេះដូងដែលជាហេតុខកខានក្នុងពិធីដ៏សំខាន់។

យ៉ាងណាក្ដី មិនទាន់មានការបញ្ជាក់ផ្លូវការណាមួយថាលោកគីម ជុងអ៊ុន ពិតជាស្លាប់នោះទេ។ វិទ្យុរដ្ឋកូរ៉េខាងជើង ក៏មិនបានឆ្លើយតបទៅកាន់ការចុះផ្សាយនេះដែរ ដោយគ្រាន់តែរាយការណ៍នាថ្ងៃអាទិត្យនេះថា លោក គីម ជុងអ៊ុន បានបង្ហាញការកោតសរសើរចំពោះកម្មករទាំងអស់ដែលបានចូលរួមសាងសង់ទីក្រុង Samjiyon។ ទោះយ៉ាងណាក៏ដោយ មិនមានការបកស្រាយលម្អិតណាមួយស្ដីអំពីស្ថានភាពសុខភាព ឬសកម្មភាពសាធារណៈរបស់លោកគីម ជុងអ៊ុននោះទេ។ សកម្មភាពចុងក្រោយរបស់លោក ត្រូវបានសារព័ត៌មានក្រុងព្យុងយ៉ាង KCNA រាយការណ៍កាលពីថ្ងៃទី ២២ខែមេសាថា លោកបានផ្ញើសារឆ្លើយតបនឹងប្រធានាធិបតីស៊ីរីលោក Bashar al-assad ចំពោះការអបអរសាទរនៃថ្ងៃខួបកំណើតរបស់ជីតាលោក។*** ចុចអានលម្អិត

ប្រភព៖ Dailymail ប្រែសម្រួល៖ រ័ត្ន