ធ្លាប់បានញ៉ាំអត់? ក្នុងប្រទេសសិង្ហបុរី មីបាក់ឈួ ជាមីមួយប្រភេទដែលពេញនិយម ទាំងជនជាតិសិង្ហបុរីផ្ទាល់ ព្រោះថាជាអាហារដែលងាយចម្អិន ឆ្ងាញ់ និងមិនចំណាយពេលក្នុងការយូរក្នុងការចម្អិន។

បើបានទៅដល់សិង្ហបុរី កុំភ្លេចចូលញ៉ាំនៅ Hawker centre ដែលមានហាងអាហារជាច្រើន លោកអ្នកអាចភ្លក្សរសជាតិអាហារច្រើនប្រភេទទៀតនៅទីនោះ។

មីបាក់ឈួ ជាមីដែលធ្វើពីស៊ុតមាន់ ប៉ុន្តែប្រសិនបើមិនមានមីពងមាន់ទេ លោកអ្នកអាចជ្រើសរើសមីកញ្ចាប់មកជំនួសបាន។ តោះ មិនទាន់បានដើរលេងឆ្លងប្រទេស ព្រោះខកខានដោយសារកូវីដ ១៩ មករៀនធ្វើមីបាក់ឈួរញ៉ាំខ្លួនឯងសិន។

គ្រឿងផ្សំរួមមាន៖

• មីកញ្ចប់ (មិនបាច់ប្រើគ្រឿងទេស)

• ខ្ទឹមក្រហម

• ផ្សិតខ្មី

• សាច់ចិញ្ច្រាំ

• ទឹកខ្មេះ

• ទឹកស៊ីអ៊ីវ

• ម្ទិះឆាចិញ្ច្រាំ

• ប្រេងខ្យង

• ប្រេងល្ង

• ស្ករ

• ម្សៅសូដា

• និងសាឡាដ

របៀបធ្វើ៖

ដំបូងយកផ្សិតខ្មៅត្រាំទឹក លាងឱ្យស្អាត ហាន់ជាចំណិតតូចៗ បន្ទាប់មកស្រុះក្នុងកម្ដៅទាប ដាក់ទឹកស៊ីអ៊ីវ ប្រេងខ្យង ស្ករ រួចទុកចោលរយៈពេលកន្លះម៉ោង។ កំឡុងពេលរង់ចាំ ចែកពេលមកហាន់ ខ្ទឹមក្រហម ជាបន្ទះស្ដើងៗ យកទៅបំពងក្នុងកម្ដៅទាប បន្ទាប់មកឆា សាច់ចិញ្ច្រាំឱ្យឆ្អិនបន្ទិច ដាក់ ទឹកខ្មេះ ទឹកស៊ីអ៊ីវ ទឹកត្រាំផ្សិត ម្ទេសឆាចិញ្ច្រាំ។ លាយគ្រឿងរួច ចាប់ផ្ដើមស្រុះមី រួចចាប់ដាក់ចាន និងយកគ្រឿងដែលលាយរួច ច្របល់ចូលគ្នាជាការស្រេច។

ចង់ដឹងពីរបៀបចម្អិន តោះ ចូលមើលវីដេអូខាងក្រោមនេះទាំងអស់គ្នា៖