- 2022-02-28 21:55:00
- ព័ត៌មាន
ប្រយ័ត្នប្រយែងអាកាសធាតុផងបងប្អូន! សប្តាហ៍នេះ កម្ពុជាអាចនឹងមានភ្លៀងធ្លាក់ ហើយនឹងខ្យល់កន្ត្រាក់
- 2022-02-28 21:55:00
- ចំនួនមតិ 0 | ចំនួនចែករំលែក 0
ប្រយ័ត្នប្រយែងអាកាសធាតុផងបងប្អូន! សប្តាហ៍នេះ កម្ពុជាអាចនឹងមានភ្លៀងធ្លាក់ ហើយនឹងខ្យល់កន្ត្រាក់
ចន្លោះមិនឃើញ
យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយមនៅថ្ងៃទី០១ ខែមីនា ឆ្នាំ២០២២នេះ បានឲ្យដឹងថា ក្នុងអំឡុងមួយសប្តាហ៍ខាងមុខនេះ ព្រះរាជាណាចក្រកម្ពុជានឹងទទួលនូវឥទ្ធិពលដូចតទៅ៖ ពីថ្ងៃទី២ ដល់ ថ្ងៃទី៤ ខែមីនា ឥទ្ធិពលនៃជ្រលងសម្ពាធទាបដែលរុញពីក្រោមឡើងលើមកពីមហាសមុទ្រឥណ្ឌានិងឥណ្ឌូនេស៊ី ក្នុងកម្រិតខ្សោយ ហើយ ពីថ្ងៃទី៥ ដល់ថ្ងៃទី៨ ខែមីនា ឥទ្ធិពលនៃសម្ពាធទាបដែលកើតឡើងនៅលើប្រទេសកម្ពុជា និងថៃ ។
ស្ថានភាពបែបនេះនឹងធ្វើឲ្យ ៖
១. បណ្តាខេត្តនៅតំបន់វាលទំនាបកណ្ដាល ៖
សីតុណ្ហភាពអប្បបរមា មានពី ២២-២៦ °C
សីតុណ្ហភាពអតិបរមា មានពី ៣៣-៣៦ °C
អាចមានភ្លៀងដោយអន្លើ លាយឡំនិងផ្គរ រន្ទះ ក្នុងកម្រិតពីខ្សោយទៅបង្គួរ ។
២. បណ្តាខេត្តជាប់ជួរភ្នំដងរែក និងខ្ពង់រាបឦសាន ៖
សីតុណ្ហភាពអប្បបរមា មានពី ២២-២៦ °C
សីតុណ្ហភាពអតិបរមា មានព៌ ៣២-៣៦ °C
អាចមានភ្លៀងដោយអន្លើ លាយឡំនិងផ្គរ រន្ទះ ក្នុងកម្រិតពីខ្សោយទៅមធ្យម ។
៣. តំបន់មាត់សមុទ្រ ៖
សីតុណ្ហភាពអប្បបរមា មានពី ២១-២៦ °C
សីតុណ្ហភាពអតិបរមា មានពី ២៧-៣០ ºC
អាចមានភ្លៀង លាយឡំនិងផ្គរ រន្ទះ ក្នុងកម្រិតពីមធ្យមទៅបង្គួរ ។
អាស័យស្ថានភាពធាតុអាកាសដូចបានជម្រាបជូនខាងលើ សូមសាធារណជនជ្រាបជាព័ត៍មាន ៕
