សមាជិកជាន់ខ្ពស់នៃវិទ្យាស្ថាន Gatestone លោក Gordon Chang បានព្រមានថា យោធាអាមេរិកមិនត្រៀមខ្លួនសម្រាប់សង្គ្រាមជាមួយប្រទេសចិននោះទេ ដោយជំរុញឱ្យលោក Biden រៀបចំជនជាតិអាមេរិកសម្រាប់សង្រ្គាម បន្ទាប់ពីយន្តហោះគ្មានមនុស្សបើករបស់ចិនត្រូវបានបាញ់ទម្លាក់ពីលើច្រកសមុទ្រតៃវ៉ាន់។

Chang បានចូលរួមជាមួយ "Fox & Friends First" ដើម្បីពិភាក្សាអំពីមូលហេតុដែលគាត់ជឿថាសង្រ្គាមអាចនឹងកើតឡើងក្នុងរយៈពេលប៉ុន្មានម៉ោង ដោយ​មិន​បាច់​រង់ចាំ​ច្រើន​ឆ្នាំ​ទៀត​ទេ។

GORDON Chang ថ្លែង​ថា៖ ពួកគេមិនបានរៀបចំសម្រាប់ហេតុផលសង្គ្រាម​មួយ​នេះ​ទេ។ ជាក់ស្ដែង កងទ័ពជើងទឹកត្រូវបានខូចអស់មួយទសវត្សរ៍​មកហើយ ហើយងាក​ទៅ កងទ័ពអាកាស ក៏មិនមានស្ថានភាព​ល្អ​ប្រសើរ​ដែរ ហើយការដឹកនាំផ្នែកនយោបាយនៅក្នុងមន្ទីរបញ្ចកោណ ក៏​មាន​បញ្ហា​ទៀត នោះ​ក៏​ព្រោះ​តែ​ពួកគេជឿថា ប្រសិនបើជម្លោះជាមួយចិនកើតឡើង​មែន វាក៏​មិន​លឿនជាងប្រាំឆ្នាំ​ទៀត​នោះ​ដែរ ហើយ​នោះ​ជាមូលហេតុដែលពួកគេចូលនិវត្តន៍កប៉ាល់ និងយន្តហោះ។ ពួកគេ​ត្រូវ​ត្រៀម​ខ្លួន​សម្រាប់​ជម្លោះ​ជាមួយ​ចិន​នៅ​ប៉ុន្មាន​ម៉ោង​ខាង​មុខ មិនមែន​ប្រាំ​ឆ្នាំ​ពី​ពេល​នេះ​នោះ​ទេ"។

ការ​ព្រមាន​របស់ សមាជិកជាន់ខ្ពស់នៃវិទ្យាស្ថាន Gatestone លោក Gordon Chang ពី​លទ្ធភាព​សង្គ្រាម​​អាមេរិក​ជាមួយ​ចិន អាច​កើត​ឡើង​ក្នុង​ប៉ុន្មាន​ម៉ោង​ខាង​មុខ​នេះ ក្រោយ​ពី​ថ្មី​ៗនេះ តៃវ៉ាន់ បាន​បាញ់​ទម្លាក់​យន្តហោះ​គ្មាន​មនុស្ស​បើក​របស់​ចិនបាន​សម្រេច​លើក​ដំបូង។

ការ​បាញ់​នេះ ធ្វើ​ឡើង​បន្ទាប់​ពី តៃវ៉ាន់ ព្រមាន​ចិន កុំ​អោយ​បង្ហោះ​យន្តហោះ​ចូល​ក្នុង​ដែន​អាកាស​ទៀត ប៉ុន្តែ ចិន នៅ​តែ​គឃ្លើន។ បញ្ហា​នេះ បាន​​ធ្វើ​ឲ្យ​ចិន​ក្ដៅ​ក្រហាយ​ជា​ថ្មី បន្ទាប់​ពី​ដើម​ខែ សីហា ចិនបាន​​មាន​កំហឹង​យ៉ាង​ខ្លាំង​ម្ដង​ហើយ ដោយប្រធានរដ្ឋ​សភា​អាមេរិក លោក​ស្រី Nancy Pelocy បាន​មក​ទស្សនកិច្ច​តៃវ៉ាន់។ ទាំង​ពីរ​ករណី​នេះ ទើប​លោក Gordon Chang ព្រមាន​ឲ្យ​អាមេរិក​ត្រៀម​ខ្លួន​សម្រាប់​សង្គ្រាម​ជាមួយ​ចិន ដែល​អាច​នឹង​កើត​ឡើង​មិន​ប៉ុន្មាន​ម៉ោង​ខាង​មុខ៕