/June_20/634e0d8541827_1666059600_medium.jpg)
- 2022-10-17 19:24:26
- ព័ត៌មាន
គ្រោះមហន្តរាយទឹកជំនន់នៅប៉ាគីស្ថាន ក្លាយជាសោកនាដ កម្មអាកាសធាតុដ៏ធំបំផុតមួយក្នុងសតវត្ស
- 2022-10-17 19:24:26
- ចំនួនមតិ 0 | ចំនួនចែករំលែក 0
គ្រោះមហន្តរាយទឹកជំនន់នៅប៉ាគីស្ថាន ក្លាយជាសោកនាដ កម្មអាកាសធាតុដ៏ធំបំផុតមួយក្នុងសតវត្ស
ចន្លោះមិនឃើញ
លោកស្រី Sherry Rehman រដ្ឋមន្ត្រីក្រសួងបម្រែបម្រួលអាកាសធាតុរបស់ប្រទេសប៉ាគីស្ថានបាននិយាយ ថា ទឹកជំនន់បានបំផ្លិចបំផ្លាញរបស់ក្នុងប្រទេសនេះដែលជាសោកនាដកម្មអាកាសធាតុដ៏ធំបំផុតមួយក្នុងសតវត្សរ៍ក្នុងពិភពលោក។
ទឹកជំនន់បានសម្លាប់មនុស្សជាង ១,៧០០ នាក់ និងប៉ះពាល់ដល់មនុស្សជាង ៣៣ លាននាក់។ រដ្ឋមន្ត្រីក្រសួងអាកាសធាតុបាននិយាយថា "បេសកកម្មជួយសង្គ្រោះឥឡូវនេះបានបញ្ឈប់ហើយ ប៉ុន្តែយើងនៅតែស្ថិតក្នុងប្រតិបត្តិការសង្គ្រោះដ៏យូរបំផុតដែលប្រទេសណាមួយមិនធ្លាប់បានឃើញ" ដោយបន្ថែមថាមនុស្សប្រមាណ ២០,៦លាននាក់នៅតែត្រូវការជំនួយ។
លោកស្រីបន្តថា តាមការប៉ាន់ប្រមាណរបស់ធនាគារពិភពលោកទឹកជំនន់បានបង្កការខូចខាតដល់ទៅជាង ៤០ពាន់លានដុល្លារអាមេរិក ដោយមានការបារម្ភថាការខាតបង់ និងការខូចខាតជាក់ស្តែងគឺខ្ពស់ជាងការប៉ាន់ស្មាន។ រដ្ឋមន្ត្រីបាននិយាយថា ដំណាំជាង ៩លានហិកតាត្រូវបានខូចខាត និងជន់លិច ហើយដំណាំនាំចេញរបស់ប្រទេសប៉ាគីស្ថានស្ទើរតែទាំងអស់ត្រូវបានបំផ្លិចបំផ្លាញ។
មនុស្សចំនួន ១៥,៤លាននាក់បន្ថែមទៀតនៅក្នុងប្រទេសប៉ាគីស្ថានត្រូវបានគេរំពឹងថានឹងធ្លាក់ទៅក្នុងបន្ទាត់នៃភាពក្រីក្រដោយសារតែទឹកជំនន់ដែលបណ្តាលមកពីអាកាសធាតុនាពេលថ្មីៗនេះ៕
