/638d623567d18_1670210100_medium.jpg)
- 2022-12-04 20:20:48
- ព័ត៌មាន
ព្រឹកនេះ ក្រសួងកឿនរំលឺកម្ដងទៀត រឿងយកទូរស័ព្ទចូលមណ្ឌលប្រឡង ប្រយ័ត្នស៊យធំ!
- 2022-12-04 20:20:48
- ចំនួនមតិ 0 | ចំនួនចែករំលែក 0
ព្រឹកនេះ ក្រសួងកឿនរំលឺកម្ដងទៀត រឿងយកទូរស័ព្ទចូលមណ្ឌលប្រឡង ប្រយ័ត្នស៊យធំ!
ចន្លោះមិនឃើញ
សម័យប្រឡងបាក់ឌុបឆ្នាំសិក្សា ២០២១-២០២២ បាន និងកំពុងដំណើរការថ្ងៃទី១ ខណៈក្រសួងនៅបន្តរឹតបណ្ដឹងច្បាប់គ្រប់គ្រងសម័យប្រឡងកាន់តែម៉ត់ចត់ ដោយនៅព្រឹកនេះ ក្រសួងបានចេញការក្រើនរំលឹកថ្មីទៀត ជុំវិញការលួចយកទូរស័ព្ធ និងគ្រឿងអេឡិចត្រូនិកផ្សេងទៀតចូលក្នុងមណ្ឌលប្រឡង។
ក្រសួងអប់រំ យុវជន និងកីឡា សូមអំពាវនាវដល់បេក្ខជនទាំងអស់ ត្រូវគោរពបទប្បញ្ញត្តិនៃការប្រឡងឱ្យបានល្អប្រសើរ ជាពិសេសមិនត្រូវលាក់ទុកជាប់នឹងខ្លួននូវឧបករណ៍អេឡិចត្រូនិកគ្រប់ប្រភេទចូលក្នុងមណ្ឌលប្រឡង ឬបន្ទប់ប្រឡងជាដាច់ខាត។ ករណីរកឃើញថាបានប្រព្រឹត្តផ្ទុយនឹងបទប្បញ្ញត្តិ និងកម្រិតវិន័យ បេក្ខជននឹងត្រូវបានកំណត់ឱ្យធ្លាក់ដោយស្វ័យប្រវត្តិ។
នាព្រឹកថ្ងៃទី១ នៃដំណើរការសំណេរនៃវិញ្ញាសាការប្រឡងសញ្ញាបត្រមធ្យមសិក្សាទុតិយភូមិ មានភាពស្ងប់ស្ងាត់ និងសណ្ដាប់ធ្នាប់របៀបរៀបរយល្អទាំងនៅក្នុង និងក្រៅមណ្ឌល ដំណើរការប្រឡងបានប្រព្រឹត្តទៅតាមពេលវេលាដែលបានកំណត់។ វិញ្ញាសាទី១នៅព្រឹកថ្ងៃទី១ នៃដំណើរការសំណេរពីម៉ោង ៧:៣០ ដល់ម៉ោង ៨:៣០ គឺមុខវិជ្ជាប្រវត្តិវិទ្យា សម្រាប់ថ្នាក់វិទ្យាសាស្ត្រ និងមុខវិជ្ជាផែនដី និងបរិស្ថានវិទ្យា សម្រាប់ថ្នាក់វិទ្យាសាស្ត្រសង្គម៕
