/kumnith-Social/Social-(7)/639fe405bbccf_1671422940_medium.jpg)
- 2022-12-18 21:21:17
- ព័ត៌មាន
ជំនាញ ៦ ដែលគ្រាន់តែមើល មិនដឹងថា រៀនចេះហើយត្រូវធ្វើអី ឥឡូវមានការពន្យល់ហើយ!
- 2022-12-18 21:21:17
- ចំនួនមតិ 0 | ចំនួនចែករំលែក 0
ជំនាញ ៦ ដែលគ្រាន់តែមើល មិនដឹងថា រៀនចេះហើយត្រូវធ្វើអី ឥឡូវមានការពន្យល់ហើយ!
ចន្លោះមិនឃើញ
បន្ទាប់ជាប់បាក់ឌុបហើយ ការជ្រើសរើសជំនាញដើម្បីសិក្សា គឺជារឿងសំខាន់ ព្រោះវាជាផ្លូវកំណត់ជោគវាសនាការងារនាពេលអនាគត។ ក្នុងន័យនេះ នាពេលបច្ចុប្បន្នយើងសង្កេតឃើញថា សិស្ស និស្សិតនិយមរើសជំនាញរៀនស្ទើរដូចៗគ្នា មានជាអាទិ៍ គ្រប់គ្រងពាណិជ្ជកម្ម អាយធី ភាសាអង់គ្លេស គណនេយ្យ ជាដើម។
តែធាតុពិត គឺនៅមានជំនាញល្អៗច្រើនទៀត ប៉ុន្តែដោយសារខ្វះព័ត៌មាន ក៏ដូចជា ការខ្វះការស៊ីជម្រៅលើមុខវិជ្ជានីមួយៗ មុខវិជ្ជាទាំងនោះត្រូវបានមើលរំលងភាគច្រើន ដោយហេតុថា ទី១មិនយល់ពីជំនាញមួយហើយ ទី២ ពេលពេលរៀនចប់មិនដឹងថាធ្វើការងារអ្វី។
ក្នុងន័យនេះ វិទ្យាស្ថានតេជោ សែន សាធារណការ និងដឹកជញ្ជូន បានលើកពីមុខជំនាញថ្មីចំនួន ៦ មកបង្ហាញ និងពន្យល់ថាតើ រៀនចប់ជំនាញទាំងនោះអាចធ្វើការក្នុងផ្នែកណាខ្លះ ក្រោយពេលរៀនចប់? ជំនាញទាំងនោះរួមមាន៖
១.សំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងសំណង់កំពង់ផែ៖ ក្រោយរៀនចប់ ជំនាញនេះអាចធ្វើការមួយចំនួនរួមមាន៖
• វិស្វករសំណង់ ផ្លូវ ថ្នល់ ផ្លូវល្បឿនលឿន ស្ពាន ផ្លូវដែក និងកំពង់ផែ
• បម្រើការងារក្នុងក្រសួងសាធារណការ និងដឹកជញ្ជូន និងក្រសួងស្ថាប័នដែលពាក់ព័ន្ធ
• បម្រើការងារតាមក្រុមហ៊ុនឯកជនទាក់ទងនឹងសំណង់ស្ពាន ថ្នល់ និងតាមអង្គការជាតិ និងអន្តរជាតិ១ចំនួន។
២.ជំនាញប្រព័ន្ធចម្រោះទឹកកខ្វក់៖ រៀនចប់អាចធ្វើការដូចជា៖
• វិស្វករផ្នែកប្រព័ន្ធចម្រោះទឹកកខ្បក់ អនាម័យ និងបរិស្ថាន
• បម្រើការនៅតាមស្ថាប័នរដ្ឋ ក៏ដូចជាក្រសួងសាធារណការ និងដឹកជញ្ជូន និងក្រសួងស្ថាប័នពាក់ព័ន្ធ
• បម្រើការងារក្នុងក្រុមហ៊ុនប្រឹក្សាយោបល់បច្ចេកទេសឯកជន ទាក់ទងនឹងការផ្គត់ផ្គង់ទឹកស្អាត និងហេដ្ឋារចនាសម្ព័ន្ធ ទីប្រជុំជន។
• បម្រើការក្នុងក្រុមហ៊ុនសាងសង់ អង្គការក្រៅរដ្ឋាភិបាល ស្ថាប័នដៃគូអភិវឌ្ឍអន្តរជាតិ។
៣.ជំនាញសេដ្ឋកិច្ច និងគ្រប់គ្រងការដឹកជញ្ជូនផ្លូវគោក៖ រៀនចប់អាចធ្វើការ
• អ្នកប្រឹក្សាយោបល់ផ្នែកសេដ្ឋកិច្ចដឹកជញ្ជូន
• ប្រតិបត្តិករជញ្ជូន
• អ្នកវិភាគផ្នែកដឹកជញ្ជូន
• អ្នកវិភាគ និងតាក់តែងគោលនយោបាយសេដ្ឋកិច្ច ដឹកជញ្ជូន អ្នកគ្រប់គ្រងផែនការដឹកជញ្ជូន
• បម្រើការងារនៅតាមបណ្ដាក្រសួង ស្ថាប័នជាតិ និងអន្តរជាតិ
៤.ជំនាញគ្រប់គ្រងភស្តុភារកម្ម និងខ្សែច្រវ៉ាក់ផ្គត់ផ្គង់
• មន្ត្រីទទួលបន្ទុកផ្នែកលទ្ធកម្ម
• បុគ្គលិកផ្នែកបញ្ជាទិញ និងសន្និធិ
• អ្នកគ្រប់គ្រងភស្តុភារកម្ម និងអ្នកវិភាគភស្តុភារកម្ម
• អ្នកគ្រប់គ្រងការដឹកជញ្ជូនទំនិញ និងអ្នកគ្រប់គ្រងឃ្លាំង
• អ្នករៀបចំផែនការខ្សែច្រវ៉ាក់ផ្គត់ផ្គង់
• អ្នករៀបចំផែនការផលិតកម្ម
• អាចជាម្ចាស់អាជីវកម្មដឹកជញ្ជូនទំនិញ
៥.ជំនាញបើកបរនាវា៖ រៀនចប់អាចធ្វើការ
• បម្រើការងារនៅកំពង់ផែភ្នំពេញ កំពង់ផែស្វយ័តក្រុងព្រះសីហនុ
• បម្រើការងារនៅតាមក្រុមហ៊ុនដឹកជញ្ជូនផ្លូវទឹកមួយចំនួន
• បម្រើការងារក្នុងក្រុមហ៊ុនដឹកជញ្ជូនផ្លូវទឹកលំដាប់អន្តរជាតិ(Shipping Line)
៦.ជំនាញម៉ាស៊ីននាវា៖ ជំនាញនេះអាចធ្វើការផ្នែក
• អ្នកជំនាញថែទាំម៉ាស៊ីននាវា
• អ្នកជំនាញជួសជុលម៉ាស៊ីននាវា
